Frasch - Der Landesbeauftragte für politische Bildung in Schleswig-Holstein

Frasch

Frasch

Poliitisch biling

önj Slaswik‐Holstiin

Di loonsmoon for poliitisch biling än sin floose mååge poliitisch biling for enarken önj Slaswik-Holstiin! Üüs årbe ferstönje we as en baidråch, jü frihäidlik-demokratisch grünordning tu stipen än jü poliitisch kultuur tu belaawin.

 

 

Tuhuupe ma üüs kooperasjoonsmåkere spikeliire we nai ideen üt fort bürgerbiling än seete ja praktisch am. We berädje ouers uk et loonsregiiring än e loondäi önj grünjseetlik frååge foon jü poliitisch biling. Deerbai årbe we poliitisch ünoufhängi än ouerparteiisch.

 

Di loonsmoon

 

Dr. Christian Meyer-Heidemann wörd foon e slaswik‐holstiinsche loondäi önj nowämber 2015 aw e grünlååge foon en önjdråch, wat a fraksjoone maenouder stald häin, ma en grut mörhäid kiisd. Sin amtstid wååret seeks iir.

Dr. Christian Meyer-Heidemann (tuläid 1980) as befraid än heet tou bjarne. Eefter sin stadium foon wirtschaft/politiik än matematiik bai e Christian-Albrechts-Universität zu Kiel wus’r bai e Universiteete foon Kil än Vechta as waasenschaplik maårber önjstald. Eefter sin promosjoon am’t teema „Selbstbildung und Bürgeridentität“ heet hi jü profesuur for politiikdidaktik bai e Leuphana Universität Lüneburg fertrin. Bit 2015 ferträtj Meyer-Heidemann jü profesuur for wirtschaft/politiik än har didaktik bai e Christian-Albrechts-Universität zu Kiel.

Christian Meyer-Heidemann as lasmoot önj e stjör foon jü seksjoon „Politische Wissenschaft und Politische Bildung“ önj e Deutschen Vereinigung für Politische Wissenschaft (DVPW) än lasmoot önj e stjör foon jü bürgerstifting Schleswig-Holsteinische Gedenkstätten.

 

Üüs apgoowe

We bade ferönstaltinge än projäkte am poliitisch biling for åltumååle önj Slaswik-Holstiin önj. We lååsie räigelmääsi tu fordråche, leesinge än diskusjoonseene, organisiire workshops än fortbilinge – ai bloots önj e loonshoodstää, ouers uk önjt hiilj bundeslönj. E teeme san bröked! Tubai foon poliitisch frååge behoonle we uk loonskundlik än histoorisk teeme. We kiike ouer e gränse foont lönj haanewach än hüüle nasjonoole än internasjonoole entwiklinge önjt uug. Üüs formaate än metoode mååge et möölik än prung üs ma oudere manschne üt. Da aktuele ferönstaltinge fine jam heer (aw tjüsch).

Önj üüsen looden koone jam böke, broschüüre än ouder materiool bestale, suner pustkoostinge tu betåålen. Önj üüs infoteek fine jam tubai wideoos (diiljwis önj möre spräke), dokumente än infografike, wat jam jam gliks önjkiike koone. E publikasjoone än infomaterioole behoonle maning teeme: sü as jü tjüsch än slaswik-holstiinsch histoori, internasjunool frååge as europapolitiik än globalisiiring, unti aktuäle stridjfrååge sü as digitalisiiring unti migrasjoon.

 

Heewe jam frååge unti komentaare tu üs årbe, nam hål kontakt ap ma üs! We fröie üs aw jarnge toochte!

Kam forbai!
E loonsmoon for poliitisch biling önj Slaswik-Holstiin
Karolinenweg 1
24105 Kiel

Teel üs önj!
0431 988 1646

Pustönjschraft
Der Landesbeauftragte für politische Bildung in Schleswig-Holstein
Postfach 7121, 24171 Kiel

We hääwe ääm
Foon moundi tu törsdi
Foon e klook 8.00 bit tu e klook 15.00
En fraidiem foon e klook 8.00 bit tu e klook 12.00

Unti jam mååge ma üs en ouder tid ouf.

Schriw üs en tising

captcha

*Schal ütfeeld wårde

Cookies erleichtern die Bereitstellung unserer Dienste. Mit der Nutzung unserer Website erklären Sie sich damit einverstanden, dass wir Cookies verwenden. Außerdem verwenden wir Vimeo und Youtube zur Darstellung von Videos. Nähere Informationen entnehmen Sie unsererer Datenschutzerklärung.